SJINKETÓMP

Väöl wäörd oet ’t Middelnederlands (1200-1500) zien neet doorgedrónge in ’t latere Nederlands. In ’t Limburgs is ’n aantal van die wäörd bewaard gebleve. Bieveurbeeld sjink en tómp. De Middelnederlandse benaminge ware scenc/scinc en timp. In ’t Nederlands versjene de vorme ham en punt. Al minder dialeksjpraekers gebroeke nag ’t waord sjink en in plaats daovan zègke de meiste noe ham. En tómp waert langzaam mètgezaoge in de trend óm veural mer Nederlandse wäörd te gebroeke. Vergaete wäörd? Haol ze truuk en gebroek ze weer al daag!

Klik hier om je gratis in te schrijven voor Puik | Deel deze pagina: