PUIK UIT DE OUDE DOOS
Uit de oude doos
In deze rubriek lees je leuke weetjes, gedichten en verhalen
van schrijvers of gebeurtenissen in gemeente Beesel
Tijdens de tweede wereldoorlog ging het leven in Reuver ondanks de bezetting gewoon door. Zelfs de kermis werd gevierd met uitzondering van 1944. In 1943 trokken Reuverse kermisvierders langs de café's op een platte wagen getrokken door een paard.
In willekeurige volgorde:
Paard en wagen : Jan Franssen (van hoeve de Kamp)
Alex Nelissen, Jeu Muisers, Cor Janssen (onderduiker gefusilleerd 1944), Pierre Vullers, Wim Gommans (met trekharmonika), Pierre de Rijck (rechts van de trekzak), Sjra van de Rijck, Sjaak Rutten, Frits Franssen, Harrie Beurskens, Nic Naus, Wiel Smets, Jeu Engelen, Lowie Beulen, Piet Rovers
- advertentie -
www.facebook.com/heukskereuver
Kermis
Begin september dink ich weer truuk aan vreuger en huur Mam weer rope :
“Zègk, jóng, ’t is has kermis, deze handdook en die sjlope
die zitte vol mèt deig. Bring die ‘ns efkes nao de bekker.
En dees kómp mèt sjpies die kump d’rop. Let op, jóng, det wuuërt lekker.
De bekker maakde noeët get sjoeën; ich zeen nag lange rieje…
mèt kump en inmaaksglazer sjtaon, vergaeve van de bieje !
En thoesgekómme reep ós Mam weer det ich ’t noeët lieërde
en zag : “Det glaas is neet van mich; die komp is de verkieërde !”
“Mer laot toch maar hiej”, zag Mam, “want ech, dees fout det is d’r zien…
en ich gaef ieërlik toe, dees kómp is sjónder dan d’rmien.
Want mèt die twieje proemeflaaje haet d’r mich gegrepe.
Dao zote d’r waal véér in; jao, dae vent dae is gesjlepe.
“Maak dich toch neet zoeë meug”, zag Pap dae zich toen hure leet.
Aan de boum zoeë vol gehange mis se vief, zès proeme neet.
En daobiej, die geit toch kepot dees bekkersgenerasie.
Die wuuërt ieërsdaags gans opgevraete door de Coöperasie.
Den kwaam de kermis en ich zeen mich nag as kleine aap
verhóngerd kieke nao die flaaje op det keldersjaap
en den begós ’t sjprookje; eindeloos leek ós gelök.
’t Water leep ós oet de móndj. Mam zag : “Geur krieg ein sjtök !”
Den waerde ieërs door Mam ’n sjneetje kluntjeswèk gesjmaerd
en sjtaonde op ós plaats, die vader zig-zag haaj gekaerd…
Den,… - ’t loog d’raan wie de windj zoot … -, huurde veur wiet-aaf ’n bel
en zanikde : “Pap, kóm, veur wille oppe kerresel.
Truuk propde veur ós vol mèt flaai en mèt ’n móndj wie ‘nne kloon
zag ich : “As dit de hemel is wil ich ’t d’r veur doon…”
Den… wuuërt ’t kermisdinsdig en ich haaj waal kènne bäöke…
Dae vent dae dreijt al lempkes los, geit zelfs ’t zeil loshäöke.
En thoes zaet Mam : “Wat bös doe roeëd.” Ich zègk : “Ómdet ’t werm is…
Gaef mich nag ’n sjtök flaai, den is ’t nag ’n bietje kermis.”
As die den zag : ” Det moog, maar leve jong, ’t haet weinig zin…
Dao sjteit zoeë hoeëg ze haor op…” , sjtorde de ganse waereld in.
oet : de ballade van de flaai
Nol Wassen, 3 sept. 1990