Boumsjpek op de bótterham, hemel en aerd oppe telder

In de pan gebakke appelesjieve neume veur boumsjpek. Vreuger kós neet idderein zich dageliks sjpek in de pan leiste. Daoróm bakde de luuj zich appelesjieve, den haje ze toch ’t idee van sjpek in de pan. Lekker op ’n döbbele bótterham mèt sókker of kruutje. Hemel en aerd is ‘ne sjtamppot van gekaokde petatte en gesjtoofde appele. Dao waert den gebakke louk, gebakke sjpekskes, kerboet of braodwors bie gedaaon. De appele ware ’t symbool veur de hemel en de petatte veur de aerd. Deze sjtamppot waert ouch waal heite bliksem geneump.