Petatte in de zök

Petatte kómme neet zoeëmer in dien zök. Dao mós se hiel get insjpanninge veur verrichte. Wied wanjele, hel wèrke, of flink sjporte. De zök waere den duchtig op de proof gesjtèld en as se daonao dien sjoon oet duis den zuus se waal èns ‘ne petat oet ‘ne zok sjtaeke. Neet letterlik natuurlik, wie oppe foto, mer figuurlik. Det neume veur beeldsjpraok. Veural as de toep van de dieke tieën bloeët kump te ligke den liek dae op ‘ne petat. Veur moelejen of wazeltriene mós se extra oppasse want die kènne dich zoeëmer gater in de zök wazele. Of dao den ouch ‘ne petat oetsjtik?