PUIK DIALECT

Floep veur ’ne izegrim en ’n kernalie


Tekst: Paul Bloemen

Veur höbbe allemaol waal èns floep veur get. Floep höbbe beteikent det se las kèns höbbe van ’n geveul van ings. Floep is in de taalkunde ’n onomatopee (klanknabootsing) net zoe wie, boem, klaats, knaap, paaf, pang, pets, boempaaf, kladderdaats. Bie al dees wäörd dinke veur aan de sjrikreactie die door ónverwachte gelude kènne óntsjtaon. Izegrim kump aaf van Isengrim, de versjrikkelike wolf oet ’t Middelnederlandse diereverhaol euver de vos Reinaert. Ize waar in het Middelnederlands ‘ysen’ en beteikende razele van ings. Grim is aafgeleid van ‘t Middelnederlandse ‘grimme’ det maske beteikende. Izegrim is dus emes mèt ’n hiel ónvrundjelik zoeër gezich det angere aafsjrik en dae absoluut neet mekkelik in de ómgang is. Kernalie is ’n vervorming van ’t Franse waord canaille, det ’n gemeine vrouw, ’n feeks beteikent.

Klik hier om je gratis in te schrijven voor Puik | Deel deze pagina: