RAM VAN DE WAB

As emes sjlech d’raan is den zeen veur det mei aan ’t gezich, emes zuut d’r sjlech oet, haet ’n gezich wie ’n maelpletske en veult zich gammel en óngemood. Door plotselinge emoties kènne miense waal èns ram van de wab rake. Det kèn gebeure door acute lichamelike klachte, van de sjrik, door ’n óngelök of ’n sjlech berich. Den bös se de klöts kwiet en mós se good geholpe en begeleid waere. Veur zègke ouch waal det se d’r den ram vanaaf bös. Nag erger waert ’t as se den ouch nag van de gaerd aaf geis, den mós se letterlik opgevange waere. As det langer doert bös se verduseld en mót d’r professionele hölp waere ingerope. En den mer haope det de persoeën in kwestie zich langzaam weer bekump.

Klik hier om je gratis in te schrijven voor Puik | Deel deze pagina: