PUIK DIALECT

Menniger waere

Door: Paul Bloemen

Mennig beteikent tamelik väöl, ’n groeët aantal. Mennigein leut mennig in ós modertaal wie langer wie mieër links ligke en gebroek lever väöl. Has verdwene oet ós modertaal is ’t biezónjer gebroek van mennig in combinatie mèt neet, in de beteikenis van neet väöl: ‘Doe höbs de lètste tied neet mennig gegaete’ en ‘Zie höbbe gistere neet mennig oetgeveurd’. Van mennige peuter waert gezag det dae kleine of det klein al get menniger is gewaore. Dit biezónjer gebroek van mennig vinje veur in Limburgse waordebeuk has neet truuk. Mennig waere zègke veur van peuters die al sjtevig op eige beinkes sjtaon en alles zèlf wille doon. Zoeë zien veur allemaol menniger gewaore.

Klik hier om je gratis in te schrijven voor Puik | Deel deze pagina: