Mier is nieks veur aomezeike

Aomezeik is ein van de meis bedreigde wäörd oet ós modertaal. Ós aomezeik is has oetgesjtorve en verdrónge door de Nederlandse mier, nag net gènne invasieve exoot. Mier is in ós modertaal de benaming veur ‘n bepaold saort ónkroed. In ’t Nederlands hèt det muur of murik. De plantkundige benaming is stellaria media oftewaal vogelkruid. Veural zangveugel löste ’t gaer. Ouch de zèkdimpel oet Belvend en Tegele en de zeikdieëm oet Venlo die allebei femilie zien van ós aomezeik mótte d’raan gluive. De insige troeës is det ós eige mier ’t nag altied good duit, ónkroed vergeit neet.