De möp

Tekst: Paul Bloemen

‘De noteboum is toet aan de möp aafgezaag’. De möp is de wortelsjtrónk van ‘ne boum, ouch waal de bóks geneump. As de sjteel van haofgereidsjap, wie bieveurbeeld ’n sjöp, gans óngeraan net baove de sjöp aafbrik zègke veur: ‘De sjöppesjteel is aan de möp aafgebraoke’. ‘Bah, wat bös doe toch ‘ne fieze möp’ zègke veur taege kinjer die zich gans oetgesjtreke höbbe mèt ’t ein of ’t anger en daodoor fies kleier, fieze erm of bein, of ’n fies gezich höbbe. Möpke gebroeke v’r veur get kleins. Det kèn bieveurbeeld ’n möpke sjlaagroum zien of ‘ne troetelnaam veur ’n klein kiendje: ‘Kiek èns dao wat ’n sjtattig möpke’. ‘Det is mich te möppig’ beteikent det emes get te duur vintj. In Tegele haje ze ‘ne möp van vleis en blood: sigarefabrikant Feyen, dae ze ‘de Möp van Feyen’ neumde.

Klik hier om je gratis in te schrijven voor Puik | Deel deze pagina: