Moek de gek den vrit d’r good

Moeke beteikent sjtoeëte, duje, sjómmele, boeke en paaie. Es veur van emes get gedaon wille kriege den mótte veur dae persoeën gunstig sjtumme en det neume veur ‘emes moeke’. Dao is de oetdrökking ‘Moek de gek den vrit d’r good’ door óntsjtange.

Boeke en moeke waert ouch gezag as emes ‘króm zin’ of ‘de juu in’ haet en blief zjwiege.

Moeke is ouch ’n aad waord veur sjómmele en ‘n sjómmel hoot moek. De moek (mèt ‘n lank oetgesjpraoke oe) waar ’n bewaarplaats óm fruit wie appels en paere te laote riepe. Det laote riepe hoot moeke (ouch weer mèt lange oe). Paerde kènne de moek höbbe, det is ’n hoedóntsjtaeking in de holtes aan de achterkantj van de hove.

Klik hier om je gratis in te schrijven voor Puik | Deel deze pagina: