‘N KAAR VAN DE KÖRVER

’n Aad waord veur manj of korf is ‘kaar’. Dit waord kump oet ’t Middelnederlands (care, caer) en is hóngerde jaore aad. In ’t Nederlands al lang verdwene en ouch has in ós dialek. Generatie nao generatie maakde dageliks gebroek van kare, allemaol gevlochte door ‘ne karevlechter, in ’t Limburgs körver geneump. De petatte kwame inne petattekaar, ’n kleinere portie in ’t petattekaerke, de greunte in de greuntekaar en de bieje zote in de biejekaar. Losse biejezjwerme waerde gekaard, in kare (körf) opgevange. Noe gebroeke de luuj kare veur de luxe, óm d’r sierplante in te zette of veur sierkalebasse en anger sierfruit. Biejekare zien allewiel vervange door biejekes.

Klik hier om je gratis in te schrijven voor Puik | Deel deze pagina: